Welcome to Vlora

Në telajon e një shoferi, hapet në Vlorë ekspozita e 80-vjeçarit

Rahmi Dervishaj është 80 vjeç. Gjithë jetën ka qenë shofer por një nga rrugëtimet më të apasionuara ka qenë piktura.

Ai nuk e ndoqi dot shkollën e pikturës por gjithsesi ndër vite e kultivoi pasionin për të ardhur me një ekspozitë në Galerinë e Arteve në Vlorë.

Janë 25 piktura të cilat kanë në qendër dashurinë për Vlorën, qytetin ku u lind dhe u rrit.

“Unë jam shofer që në 62-shin, shofer parku, shofer autobusi. S’kam shkollë, ku kam shkollë pikture. Nga piktura në pikturë unë shikoja ndryshime dhe pastaj më erdhi energjia që të bëja një ekspozitë,” – u shpreh Dervishaj.

Piktori Edi Kojani e cilëson ekspozitën mjaft të veçantë ndërsa tregon fragmente të shoferit të dashuruar me pikturën.

“E mbaj mend kur isha nxënës që pikturonim dhe shkonim në studiot e Agronit, Skënderit apo Nestorit dhe unë shikoja dhe Rahmiun. Aty marr vesh që Rahmiu pikturonte dhe ja sot ai vjen me një ekspozitë me 25 punë, janë interesante, ka elementë me të vërtetë profesional dhe artistik,” – tha Kojani.

Miq dhe dashamirēs nuk kanë munguar në ekspozitë. Ekpsozita e Rahmi Dervishaj 80 vjeçarit energjik dhe të apasionuar me artin do të qëndrojë e hapur deri më 27 prill

Shto koment

Follow us

Don't be shy, get in touch. We love meeting interesting people and making new friends.