Vrasja e dy vëllezërve Elmaz dhe Behar Hasho në vitin 1998 në lagjen Pavarësia të Vlorës, ishte një prej ngjarjeve më të rënda që ndodhi në atë kohë për faktin se u ekzekutuan dy persona nga e njëjta familje.
Pas një karvani të gjatë përgjatë këtyre viteve familja Hasho, vazhdimisht kërkonte zbardhjen e ngjarjes.
Pak kohë më parë, si autor i kësaj ngjarjeje u arrestuar në Itali, 47-vjeçari Gerti Selimaj.
Edhe pse arrestimi dhe ekstradimi u bë me bujë të madhe, gjykata vendosi arrest shtëpie. Ky vendim ka shkaktuar indinjatë te familjarët.
Mimoza Hasho, bashkëshortja e njërit prej viktimave, tregon ngjarjen e rëndë.
Ajo apeloi që 47-vjeçari të kthehet përsi në burg dhe të zbardhet totalisht kjo vrasje.
Edhe Xhuliano Haxho, djali i njërit prej vëllezërve të vrarë kërkon drejtësi, që shteti të vendosë dhe situata mos të shkojë në vetgjyqësi.
Shto koment