Mëngjesin e sotëm, pronarë dhe administratorë mjetesh lundruese të tipit skafe, gomone, apo edhe jet-ski kanë dalë në protestë përpara Policisë Kufitare në Vlorë.
Ata po protestojnë për rikthimin e mjeteve lundruese të konsfiskuara nga Policia e Shtetit pas tragjedisë së ndodhur në Potam.
Protestuesit thonë se kjo nuk duhet të ndodhte në kulm të sezonit turistik pasi kanë taksa e fatura për të paguar, si dhë punonjësit e tyre.
Ata shtojnë se penalizohen nëse nuk i paguajnë dot pasi “janë kredimarrës dhe e kanë lakun në fyt nëse nuk punojnë”.
Për ta, bllokimi ka ndodhur pa arsye për shkak të një aksidenti, pasi dokumentet i kanë të rregullta e paguajnë edhe sigurime shoqërore.
Sipas tyre, protesta do vazhdojë derisa të marrin një përgjigje pozitive nga autoritetet, pasi pretendojnë se ndaj tyre po bëhet padrejtësi.
Shto koment