Një ngjarje e rëndë ka ndodhur në Pire, Greqi, në orët e para të mëngjesit të sotëm. Mediet e vendit fqinj raportojnë se një 23 vjeçar shqiptar ka vrarë me armë zjarri partneren e tij 19 vjeçare, gjithashtu nga Shqipëria.
I riu i cili punonte banakier në një lokal në Troubë, ka qëlluar me plumb në kokë të dashurën e tij dhe më pas ka telefonuar Policinë ku ka deklaruar krimin e rëndë.Policia ka mbërritur menjëherë në shtëpinë e çiftit dhe kanë gjetur të pajetë vajzën, ndërsa autori është dorëzuar. 19 vjeçarja punonte në një lokal nate në Kallithea.
Sipas medieve greke, dyshohet se 23 vjeçari në kufijtë e xhelozisë së sëmurë ka ndërmarrë aktin ekstrem, duke i marrë jetën partneres së tij gjatë një debati të ashpër me të.
Shqiptari ka qenë dhe më parë i shoqëruar në Polici pas një zënke që ka pasur me partneren, ndërsa ka deklaruar para autoriteteve, se konflikti ka ndodhur për shkak se ai është xheloz për të dashurën.
Shto koment