Policia e Vlorës ka vënë në pranga një 16-vjeçar, banues në Vlorë, pasi dyshohet se i ka vjedhur kuletën me shuma parash në të, një shtetasi në lagjen “Pavarësia 3”.
Njoftimi i DVP Vlorë
Si rezultat i hetimeve dhe bashkëpunimit me qytetarët, me qëllim zbardhjen e vjedhjeve të kryera më parë, specialistët për Hetimin e Krimeve të Komisariatit të Policisë Vlorë arrestuan një 16-vjeçar, banues në Vlorë, pasi dyshohet se i ka vjedhur kuletën me shuma parash në të, një shtetasi në lagjen “Pavarësia 3”. Veprimet procedurale me të miturin u kryen me praninë e prindit, psikologut dhe mbrojtësit ligjor. Ndërkaq, po punohet për të zbardhur vjedhje të tjera që mund të ketë kryer i mituri, i cili ka precedentë të mëparshëm për të njëjtin krim.
Shto koment