Trageti i linjes me 77 persona në bord nuk po ankorohet dot në portin e Vlorës

Era e fortë por edhe dallgët e shumta të krijuara në det ka bërë që trageti të dalë në radë.One tv mëson se trageti ishte nisur nga Brindisi i Italisë në orën 06:00 të mëngjesit të sotëm dhe ka mbërritur në Vlorë në orën 15:30, ndonëse ishte parashikuar që të mbërrite në 14:00, por ka patur vonesa.Nga ana tjetër, trageti është nisur me vonesë edhe nga Brindisi i Italisë, pasi duhej të nisej në orën 22:00. Për rrjedhojë, 77 pasagjerët në bord kanë mbetur të bllokuar për rreth 20 orë.