WelcometoVlora

‘Ata e krijuan virusin në një laborator në Wuhan’: Përfundimi tronditës i dy profesorëve

Dy profesorë: britaniku Angus Dalgleish dhe norvegjezi Birger Sørensen kanë publikuar përfundimet e një studimi, të përpiluar në 22 faqe, mbi orgjinën e koronavirusit.

Për gati 1 vit, Dalgleish dhe Sørensen kanë studiuar origjinën e virusit dhe kanë arritur në përfundimin se ai nuk ka asnjë paraardhës natyral. Studimi është publikuar në prestigjozen “Daily Mail” dhe rrëfen se si gjithçka nisi nga një përpjekje e shkencëtarëve kinezë për të krijuar një koronavirus më ngjitës dhe për të parë se si ai do të sillej te njerëzit.

“Ata e krijuan virusin në një laborator në Wuhan. Më pas u përpoqën të fshihnin gjurmët për të treguar se Covid-19 erdhi nga lakuriqët e natës”, shkruhet në studim.

Sipas dy kërkuesve, studimi kinez i Wuhanit ka zgjatur gati 5 vjet dhe madje ka marrë edhe një ndihmë prej 600 mijë dollarësh nga Shtetet e Bashkuara. Ndihma u ndërpre gjatë presidencës së Barack Obamës.

Dy shkencëtarët thonë se gjatë përpjekjeve për krijimin e vaksinës kundër Covid panë se virusi kishte modifikime që nuk mund të ishin natyrore. Sars-Cov 2 kishte në përbërje një sërë aminoacidesh artificiale.

Add comment