Ngjarja e rëndë në Vlorë. Mësohet se të plagosur kanë mbetur babë e bir, Xhevdet dhe Albion Braushi, përkatësisht 62 dhe 30 vjeç.
Sipas raportimeve, dhëndri ka plagosur vjehrrin dhe kunatin e tij. Djali ka marrë dhjetë goditje thike në trup ndërsa për babain nuk dihet.
Gjendja e tyre është e rëndë ndërsa aktualisht ndodhen nën kujdesin e mjekëve.
Njoftimi i Policisë
Rreth orës 21:30, në lagjen “1 Maji”, dyshohet se pas një konflikti të çastit për motive të dobëta, shtetasi R. K., ka plagosur me mjet prerës thikë, vjehrrin dhe kunatin e tij, shtetasit Xh. B., rreth 60 vjeç dhe A. B., rreth 30 vjeç, të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes. Shërbimet e Policisë po kontrollojnë zonën me qëllim lokalizimin dhe kapjen e autorit të dyshuar.
Shto koment