Vlora u bë kryeqendra e boksit për 3 ditë. Në 7-9 tetor u zhvillua kampionati kombëtar i boksit për të rritur ku janë përcaktuar edhe fituesit e këtij kompeticioni.
Flamurtari si skuadër u shpall kampione e këtij kampionati duke lënë pas Vllazninë dhe Apoloninë në vendin e tretë. Boksieri më i mirë u shpall Krenar Zeneli i flamurtarit, ndërsa ai më teknik u shpall, ani Haxhillari, edhe ky pjesë e skuadrës vlonjate.
Megjithatë ky kampionat nuk shkoi pa incidente. Në ditën e dytë pati një përplasje mes boksierëve të Tiranës e Teutës me gjyqtares, gjë që solli edhe braktisjen e kampionatit pikërisht nga Tirana, Teuta dhe Studenti në ditën e fundit.
Një veprim ky që u konsideruar skandaloz nga presidenti i Federatës së Boksit,Florend Kalivopuli, trajneri i Vllaznisë, Zef Gjoni dhe ai i Flamurtarit Gëzim Zeneli.
Për shkak të braktisjes së kampionatit nga këto skuadra, në shumë ndeshje finale të ditës së fundit, fituesi u shpall pa u ndeshur në ring. Gjithsesi në fund rezultoi se Flamurtari fitoi kampionatin me 8 medalje të arta të fituara nga boksierët e tij
Shto koment