WelcometoVlora

Vendosën himnin kombëtar në lokal pas 22:00, lirohen në orët e para të mëngjesit 4 personat e shoqëruar në Vlorë

Është shoqëruar me protestë ndalimi i pronares se një lokali në Vlorë, pasi në shenjë kundërshtie për orën policore, shumë biznese vendosën himnin kombëtar.

Ngjarja në fjalë ndodhi vetëm pak minuta para orës 22:00, orar kur edhe ndalohet muzika në lokale, ndërkohë që në këtë biznes thuhet se muzika qëndroi edhe pak pas këtij orari. Të shumtë ishin qytetarët që u mblodhën para komisariatit të Vlorës, nga ku kërkuan lirimin e zonjës dhe 3 tre personave të tjerë, e cila u shoqërua nga dhjetra efektivë policie.

Në orën 3:00 u bë e mundur lirimi i 4 të shoqëruarve (mes tyre pronari tjetër dhe dy punonjësit).

Operatorët e Vlorës kanë paralajmëruar protesta për ndryshimin e fashës orare, pasi sipas tyre, kjo po i pengon në biznes përgjatë sezonit veror, kur ka edhe shtim të numrit të turistëve.
Sipas operatorëve, ora policore aktuale, ka bërë që bizneset të përballen me kushte të vështira ekonomike.

Add comment